گانے کی طرز پر نعت یا حمد یا نظم پڑھنے کا حکم

گانے یا کفار ومشرکین کے جملوں کے وزن اور طرز پر حمد ونعت پڑھنا یا اشعار وجملے کہنا شرعا جائز ہے , کوئی حرج نہیں

غزوہ احد کے موقع پر کفار نے کہا

"أُعْلُ هُبَلْ، أُعْلُ هُبَلْ"

(ھبل کی جے ہو)

تو رسول اللہ صلى اللہ علیہ وسلم نے فرمایا انہیں جواب دو

"اللَّهُ أَعْلَى وَأَجَلُّ"

(اللہ سب سے اعلى اور جلیل القدر ہے)

مشرکین نے کہا

"إِنَّ لَنَا العُزَّى وَلاَ عُزَّى لَكُمْ"

( ہمارا تو عزى جبکہ تمہارے پاس کوئی عزى نہیں)

تو رسول اللہ صلى اللہ علیہ وسلم نے فرمایا انہیں جواب دو

"اللَّهُ مَوْلاَنَا، وَلاَ مَوْلَى لَكُمْ"

( اللہ ہمارا مولى ہے اور تمہارا کوئی مولى نہیں)

[صحیح بخاری : 3039]

اب یہ الفاظ آپس میں ملتے جلتے اور ایک ہی وزن پر ہیں۔ رسول اللہ صلى اللہ علیہ وسلم نے کفار کے الفاظ کے ہم وزن الفاظ میں انہیں جواب دیا ہےجنکی طرز ایک ہی بنتی ہے۔