قطع تعلقی کا حکم؟

کسی بھی مسلمان کے
لیے اپنے دوسرے مسلمان بھائی سے تین دن سے زائد قطع تعلق رہنا جائز نہیں ہے۔ لہذا
آپ پہ لازم ہے کہ آپ صلح کا ہاتھ بڑھاتے رہیں اور اسے سلام کہتے رہیں۔



رسول  اللہ
ﷺ کا فرمان ہے:



" لاَ
يَحِلُّ لِرَجُلٍ أَنْ يَهْجُرَ أَخَاهُ فَوْقَ ثَلاَثِ لَيَالٍ، يَلْتَقِيَانِ: فَيُعْرِضُ
هَذَا وَيُعْرِضُ هَذَا، وَخَيْرُهُمَا الَّذِي يَبْدَأُ بِالسَّلاَمِ "



کسی آدمی کے لیے حلال
نہیں ہے کہ وہ اپنے بھائی کو تین راتوں سے زیادہ (ناراضگی کی وجہ سے) چھوڑے رکھے۔
وہ دونوں ملتے ہیں تو یہ بھی منہ موڑ لیتا ہے اور وہ بھی رخ پھیر لیتا ہے۔ اور ان
دونوں میں سے بہتر وہ ہے جو سلام کرنے  میں
پہل کرے۔



صحیح البخاری: 6077



نیز فرمایا:



«مَنْ هَجَرَ
أَخَاهُ سَنَةً فَهُوَ كَسَفْكِ دَمِهِ»



جس نے اپنے بھائی کو
ایک سال تک چھوڑے رکھا تو وہ اس کو قتل کرنے کے مترادف ہے۔



سنن أبی داود: 4915



اور صلہ رحمی کا پتہ ہی اس وقت چلتا
ہے جب کسی ایک طرف سے بار بار تعلق توڑا جائے اور دوسرا اسے جوڑے۔ 



رسول اللہ ﷺ کا فرمان ہے:



«لَيْسَ الوَاصِلُ
بِالْمُكَافِئِ، وَلَكِنِ الوَاصِلُ الَّذِي إِذَا قُطِعَتْ رَحِمُهُ وَصَلَهَا»



جو صلہ رحمی کے بدلے صلہ رحمی کرے وہ
کوئی صلہ رحمی کرنے والا نہیں ہے, بلکہ صلہ رحمی کرنے والا تو وہ کہ جب اس سے تعلق
توڑا جائے تو وہ اسے جوڑے۔



صحیح البخاری: 5991



اور اگر ٹوٹے تعلق کو نہ جوڑا جائے تو وہ اخروی نقصان کا باعث
بنتا ہے۔



رسول اللہ ﷺ کا فرمان
ہے:



" تُعْرَضُ
الْأَعْمَالُ فِي كُلِّ يَوْمِ خَمِيسٍ وَاثْنَيْنِ، فَيَغْفِرُ اللهُ عَزَّ وَجَلَّ
فِي ذَلِكَ الْيَوْمِ، لِكُلِّ امْرِئٍ لَا يُشْرِكُ بِاللهِ شَيْئًا، إِلَّا امْرَأً
كَانَتْ بَيْنَهُ وَبَيْنَ أَخِيهِ شَحْنَاءُ، فَيُقَالُ: ارْكُوا هَذَيْنِ حَتَّى
يَصْطَلِحَا، ارْكُوا هَذَيْنِ حَتَّى يَصْطَلِحَا "



ہر سوموار اور جمعرات کو اعمال پیش
کیے جاتے ہیں ، اللہ ﷯ اس دن میں ہر اس شخص کو معاف فرما دیتے ہیں جو اللہ ﷯ کے
ساتھ کچھ بھی شرک نہ کرتا ہو، مگر وہ شخص جسکے اور اسکے بھائی کے درمیان بغض ہے
(انہیں معاف نہیں کیا جاتا) ، کہا جاتا ہے ان دونوں کو رہنے دو، حتى کہ یہ صلح کر
لیں، ان دونوں کو رہنے دو، حتى کہ یہ صلح کر لیں۔



صحیح مسلم: 2565



 البتہ اگر کوئی شرعی مسئلہ ہو تو اسکی وجہ سے کسی مسلمان سے
تین دن سے زائد بھی ناراضگی رکھی جاسکتی ہے۔ لیکن اس میں بھی یہ شرط ہے کہ آپکی
ناراضگی کی وجہ سے اسکی اصلاح ہو, اگر ناراضگی سے دعوت  و اصلاح کا دروازہ بندہ ہونے کا خدشہ ہو تو پھر
ناراضگی نہیں رکھ سکتے۔



نبی مکرم ﷺ نے غزوہ
تبوک سے پیچھے رہ جانے والے تین مؤمنین ہلا ل بن امیہ, مرارہ بن ربیع اور کعب بن
مالک ﷢ سے پچاس دن تک ناراض رہے, جبکہ اسی غزوہ سے پیچھے رہ جانے والے منافقین کو
آپ ﷺ نے کچھ نہ کہا۔



صحيح البخاري : 4418



کیونکہ منافقین سے
ناراضگی  فائدہ کے بجائے نقصان دہ ثابت
ہوسکتی تھی, جبکہ اہل ایمان سے ناراضگی انکی طہارت کا سبب بنی۔

:
طباعة