سوال

ہماری کمپنی کنسلٹنٹ کمپنی ہے (جہاں سے دوسری کمپنیوں میں کام کرنے کیلیے لوگوں کا انٹرویو کے ذریعہ انتخاب کرتے ہیں اور دوسری کمپنیوں میں لگاتے ہیں) ہمیں الراجحی بینک میں کام کرنے کیلئے ایک انجینیر فراہم کرنا ہے. جاننا یہ چاہتے ہیں کہ ایا یہ بینک واقعتاً اسلامی تعلیمات کے مطابق کام کرتا ہے؟ کیا اس بینک کیلیے انجینئر بھیجنا صحیح ہے؟ یا پھر یہ کہیں (تَعَاوَنُواْ عَلَى الإِثْمِ وَالْعُدْوَانِ) میں تو نہیں ایگا؟
سایل : عبدالمنان من دکن حیدرآباد انڈیا

الجواب بعون الوہاب ومنہ الصدق والصواب والیہ المرجع والمآب

اسلامی بینکنگ کے نام پہ چلنے والے تمام تر بینک سودی ہی ہیں۔ صد افسوس کہ تاحال کوئی بھی بینک مکمل طور پر اسلامی بنیادوں پر قائم نہیں ہے۔اسلام کے نام پر یہ سود کو مختلف حیلوں بہانوں سے اپنائے ہوئے ہیں۔ بینک الراجحی کا بھی یہی حال ہے۔ لہذا انہیں انجینئر یا کوئی اور ملازم فراہم کرنا سودی کاروبار میں معاونت کی وجہ سے تعاون على الاثم والعدوان کے زمرے میں ہی آتا ہے۔

هذا، والله تعالى أعلم، وعلمه أكمل وأتم، ورد العلم إليه أسلم، والشكر والدعاء لمن نبه وأرشد وقوم، وصلى الله على نبينا محمد وآله وصحبه وبارك وسلم